Թուրքիայում հանգստացող առնվազն 12 ռուս զբոսաշրջիկ վարակվել է կորոնավիրուսով։ Այդ մասին հայտնել է Անկարայում ՌԴ դեսպան Ալեքսեյ Երխովը, գրում է ՌԻԱ Նովոստին։
«Վարակվածներից 2-ը հիվանդանոցում է, 10-ը՝ մեկուսացման մեջ հյուրանոցում»,-ասել է դիվանագետը։
Դեսպանը հորդորել է Թուրքիա մեկնողներին անպայման կորոնավիրուսի բուժումն ապահովող ապահովագրություն ձեռք բերել։ Ըստ Երխովի` հոսպիտալացված ռուսաստանցիներից մեկի մոտ այդպիսի խնդիր է առաջացել, սակայն, այնուամենայնիվ, նրան բուժօգնություն ցուցաբերել են։
Օգոստոսի 1-ից ՌԴ-ն սկսել է վերականգնել ավիահաղորդակցությունն արտասահմանյան որոշ երկրների հետ։ Վերսկսել են թռիչքները դեպի Թուրքիա, Մեծ Բրիտանիա, Տանզանիա և Շվեյցարիա, հանվել են Աբխազիայի սահմանը հատելու սահմանափակումները։