Միացյալ Նահանգները հավատարիմ է մնում Լեռային Ղարաբաղի հակամարտության խաղաղ կարգավորման հարցում օգնելու իր հանձնառությանը և կողմերին կոչ է անում հնարավորինս շուտ վերսկսել բովանդակային բանակցությունները ԵԱՀԿ Մինսկի խմբի համանախագահության ներքո։ Այս մասին հայտարարել է ԱՄՆ պետքարտուղար Մայքլ Պոմպեոն՝ Հայաստանի անկախության օրվա առթիվ իր շնորհավորանքում։
Նա նաև ողջունել է Հայաստանի շարունակական հանձնառությունն՝ ուղղված իրավունքի գերակայության ամրապնդմանը, անկախ դատական համակարգի ձևավորմանը և տնտեսական ու ներդրումային հնարավորությունների մեծացմանը։
Պետքարտուղարը գովելի է համարել թափանցիկության, պատշաճ դատական ընթացակարգերի և քաղաքացիների հաշվետվողականության մեծացման ճանապարհով կոռուպցիայի դեմ պայքարին ուղղված Հայաստանի ընթացիկ ջանքերը։
ՀՀ անկախությունը օրը նշվում է սեպտեմբերի 21-ին. 1991 թվականի հենց այդ օրը հայ ժողովուրդն անկախության հանրաքվեի ժամանակ կողմ քվեարկեց ԽՍՀՄ կազմից դուրս գալուն: