Հայկական կողմը խոցել է հակառակորդի 3 ուղղաթիռ, մոտ 20 ԱԹՍ, 30 տանկ ու հետևակի մարտական մեքենաներ, տեղեկացրել է Արցախի պաշտպանության նախարարի տեղակալ Արթուր Սարգսյանը։
«Նախնական տվյալներով՝ Արցախի Զինված ուժերում կա 16 զոհ, հարյուրից ավելի վիրավոր», - ասել է նա, հայտնում է «Այսօրը»։
Սարգսյանը նշել է, որ ՊԲ անձնակազմն իր առջև դրված մարտական խնդիրը կատարում է բարձր պատասխանատվությամբ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։