Սեպտեմբերի 27-ին ադրբեջանական ագրեսիայի առաջին րոպեներին թշնամու հրետակոծության հետևանքով վնասվել է Արցախում Կարմիր խաչի միջազգային կոմիտեի առաքելության և The HALO Trust կազմակերպության շենքերի հարևանությամբ գտնվող բնակելի տներից մեկը։
Արցախ տեղեկատվական շտաբը կադրեր է հրապարակել։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 84 զոհ կա, մարտերը շարունակվում են շփման գծի ողջ երկայնքով: ՊՆ ներկայացուցիչ Արծրուն Հովհաննիսյանի խոսքով՝ Ադրբեջանի կորուստներն անհամեմատելի շատ են։ ՀՀ-ում և Արցախում ռազմական դրություն է հայտարարված։ Ադրբեջանցիները կրակ են բացել նաև Վարդենիսի ուղղությամբ։