«Հայաստան» համահայկական հիմնադրամի՝ Արցախին աջակցության համար նախաձեռնած դրամահավաքով հոկտեմբերի 5-ի 21:30-ի դրությամբ հավաքվել է $46 մլն-ից ավելի գումար։

«Մենք ենք, մեր սահմանները. բոլորս Արցախի համար» դրամահավաքը նախաձեռնվել է Ադրբեջանի կողմից սանձազերծված պատերազմից հետո։

Նվիրատվությունները կարելի է կատարել «Հայաստան» հիմնադրամի կայքում, ինչպես նաև փոխանցումներ կատարելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։