ԱԱԾ տնօրեն Արգիշտի Քյարամյանն ազատվել է աշխատանքից։ ՀՀ նախագահ Արմեն Սարգսյանը ստորագրել է հրամանագիրը։
Նրա մեկ այլ հրամանագրով ԱԱԾ տնօրենի ժամանակավոր պաշտոնակատար է նշանակվել Միքայել Համբարձումյանը։
Քյարամյանն ԱԱԾ տնօրեն էր նշանակվել 2020-ի հունիսի սկզբին։ Նա մայիսի 5-ին նշանակվել էր Ազգային անվտանգության ծառայության տնօրենի տեղակալ Քննչական կոմիտեի ղեկավարի տեղակալի՝ հատուկ իր համար բացված պաշտոնում մի քանի ժամ անցկացնելուց հետո։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։