Հայաստանի առաջին նախագահ Լևոն Տեր-Պետրոսյանը հանդիպել է Արցախի նախկին նախագահներ Արկադի Ղուկասյանին և Բակո Սահակյանին, հայտնել է Հայ ազգային կոնգրեսի անդամ Արման Մուսինյանը:
Նրա բնորոշմամբ՝ հանդիպում-խորհրդակցությունը կայացել է «Լեռնային Ղարաբաղի շուրջ ստեղծված գերլարված իրավիճակից ելք գտնելու անհրաժեշտության թելադրանքով»:
Ավելի վաղ վարչապետ Նիկոլ Փաշինյանը հանդիպել էր Բակո Սահակյանին ու Արկադի Ղուկասյանին:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։