Իրանի տարածքում ընկած իսրայելական արտադրության Harop անօդաչու թռչող սարքերի հայտնի թիվը առնվնազն երկուսն է։ Հոկտեմբերի 20-ին հրապարակվել է իրանական տարածքում ընկած անօդաչուի լուսանկարը, որից պարզ է դառնում, որ այն Ադրբեջանին պատկանող Harop սարքերից է։

Հոկտեմբերի 13-ին Իրանի Թավրիզ շրջանում ևս մեկ իսրայելական արտադրության Harop անօդաչու թռչող սարք էր հայտնաբերվել։

Ավելի վաղ ՀՀ-ն հետ է կանչել Իսրայելից իր դեսպանին խորհրդակցությունների համար՝ այդ երկրի կողմից Ադրբեջանին զենք վաճառելու պատճառով, որը հետագայում օգտագործվում է հայերի, այդ թվում Արցախի խաղաղ բնակչության դեմ։

Իրանը մի քանի անգամ պաշտոնական տարբեր մակարդակներով զգուշացրել է, որ կարձագանքեն, եթե Լեռնային Ղարաբաղում ծավալված ռազմական գործողությունների արդյունքում երկրի տարածքում կրկին զենք-զինամթերք ընկնի։ Ադրբեջանն արդեն մի անգամ ներողություն է խնդրել նման պատահարների համար։

Եվ երկու անօդաչու թռչող սարք էր ընկել նաև Վրաստանի տարածքում, որոնցից մեկը ինդենտիֆիկացվել է որպես իսրայելական Harop անօդաչու։ Մեկ հրթիռ էլ ընկել է Դաղստանի տարածքում։