Formula 1-ի նիդեռլանդցի ավտոարշավորդ Մաքս Վերսթափենը հոկտեմբերի 25-ին Պորտուգալիայում կայացած մրցավազքում գրավել է 3-րդ տեղն ու հաղթանակը նշելու համար $100 փոխանցել Հայաստանի զինծառայողների ապահովագրության հիմնադրամին։

«Ես չէի կարող վայելել այս հաղթանակը՝ առանց հայ զինծառայողների աջակցության հիմնադրամին փոխանցում կատարելու, որոնք ամեն օր զոհում են իրենց կյանքը՝ հանուն հայրենիքի»,- ասել է նա, փոխանցում է 1000+ հիմնադրամի ֆեյսբուքյան էջը։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

Հումանիտար նպատակներով նվիրատվությունները կարելի է կատարել «Հայաստան» հիմնադրամի կայքում, ինչպես նաև փոխանցումներ կատարելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):