Վարչապետ Նիկոլ Փաշինյանն արդարադատության փոխնախարար Վահե Դանիելյանին ազատել է աշխատանքային պարտականությունների կատարումից։ Փոխնախարարը կամավորական հիմունքներով զորակոչվել է։
Դանիելյանի աշխատավարձի վճարումը սահմանված կարգով կապահովվի։
«Հիմք ընդունելով ՀՀ աշխատանքային օրենսգրքի 124-րդ հոդվածի 3-րդ և 4-րդ մասերը՝
1. ՀՀ արդարադատության նախարարի տեղակալ Վահե Դանիելյանին համարել կամավորական հիմունքներով զորակոչված և 2020-ի հոկտեմբերի 27-ից ազատել աշխատանքային պարտականությունների կատարումից:
2. ՀՀ արդարադատության նախարարին՝ աշխատանքային պարտականությունների կատարումից ազատված ժամանակահատվածի համար սահմանված կարգով ապահովել Վահե Դանիելյանի աշխատավարձի վճարումը»,-ասվում է համապատասխան որոշման մեջ:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։