Հայկական ստորաբաժանումների կողմից առաջնագծի որոշ ուղղություններում մարտավարական նպատակներով հետ քաշվելու արդյունքում, այդ հատվածներում Արդբեջանի զինված ուժերը ստեղծում են ահաբեկչական խմբավորումների բազաներ, հայտնում են Արցախի պաշտպանության նախարարության մամուլի ծառայությունից։
Ըստ ՊՆ-ի հայտարարության՝ տեղակայված ահաբեկչական բազաների գործողությունները կարող են ավելի սրել և ապակայունացնել իրավիճակը ոչ միայն Հայաստանի և Արցախի սահմաններում, այլև լուրջ վտանգ ներկայացնել ամբողջ տարածաշրջանի համար։
Նշվում է, որ ահաբեկիչների բազաների մասին տվյալները ձեռք են բերվել թուրք-ադրբեջանական վարձկանների, ահաբեկիչների մարտավարությունն ու հեռախոսազրույցները վերլուծելով և հետախուզական փաստերը համադրելով։
Թուրքիան ԼՂ հակամարտության գոտի Լիբիայից ու Սիրիայից ահաբեկիչների է բերել, որոնք կռվում են ադրբեջանական բանակի կազմում։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
