Ադրբեջանական կողմի հայտարարությունը, թե, իբր, Հայաստանի զինված ուժերը Ֆիզուլի քաղաքը և շրջակա գյուղերը կրակի տակ է առել «Սմերչ» համազարկային կրակի ռեակտիվ համակարգից, անհեթեթություն է, հայտարարել է պաշտպանության նախարարության խոսնակ Շուշան Ստեփանյանը:

«Հայաստանի տարածքից նշված ուղղությամբ որևէ տիպի կրակ չի վարվել»,-գրել է Ստեփանյանը։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։