Տող գյուղից ադրբեջանցիներից մազապուրծ փախած բնակիչներից մեկը միջազգային լրագրողներին պատմել է, որ իր հարևաններից մեկին ադրբեջանցիները գլխատել են, ինչպես նաև սպանել մեկ այլ տարեց մարդու՝ 82-ամյա Միշա Ստեփանյանին։
Այս մասին հայտնել է Արցախի Մարդու իրավունքների պաշտպան Արտակ Բեգլարյանը՝ նշելով, որ գլխատված անձի անունը Մայոր է, նրա ազգանունը ճշտվում է։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։