Բոլիվիայի նախկին նախագահ Էվո Մորալեսն իր զորակցությունն է հայտնել Արցախի հայերին։
Twitter-ում տարածված տեսանյութում Մորալեսն Արցախի ու Հայաստանի համար խաղաղություն է խնդրում։
Բոլիվիայի նախկին առաջնորդը նաև նշում է, որ սոցիալական արդարության և խաղաղության համար պայքարը միշտ էլ կարևոր է լինելու։
Մորալեսը Բոլիվիայի նախագահի պաշտոնում է եղել 2006-ից մինչև 2019-ը․ նա երկիրն ամենաերկարը ղեկավարած նախագահն էր։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։