ՊԲ ՀՕՊ ստորաբաժանումները Ստեփանակերտից հյուսիս-արևմուտք հատվածում ժամը 19:30-ի սահմաններում խոցել են հակառակորդի 2 ԱԹՍ:

Ինչպես տեղեկացնում են Պաշտպանության բանակից, լարվածությունն առաջնագծում պահպանվում է: Հրետանային և ականանետային փոխհրաձգություն է: Հարավ-արևելյան ուղղությամբ դիտարկվել է հակառակորդի շարասյուն, որի ուղղությամբ վարվել է դիպուկ կրակ՝ ոչնչացնելով մեծ քանակի կենդանի ուժ և տեխնիկա։

ՊԲ-ն վստահաբար կատարում է իր մարտական առաջադրանքները, հակառակորդի մարտական ներուժի մաշումը շարունակվում է։

Իր հերթին, Արցախի տեղեկատվական շտաբը տեսանյութ է հրապարակել, որտեղ երևում է՝ ինչպես է հակառակորդը դիմում փոխուստի Բերձորի լեռներից հայկական ուժերի գործողությունների արդյունքում:

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։