Հայաստանի ընդդիմության միասնական թեկնածուն, որը կարող է փոխարինել վարչապետ Նիկոլ Փաշինյանին, նախկին վարչապետ և պաշտպանության նախարար Վազգեն Մանուկյանն է, ՌԲԿ-ին հայտնել է «Հայրենիք» կուսակցության վարչության անդամ Ռոբերտ Հարությունյանը:
Հայաստանի ընդդիմության շրջանակում «Ինտերֆաքսի» աղբյուրները ևս հայտնել են Մանուկյանի անունը որպես վարչապետի թեկնածու:
«Վազգեն Մանուկյանը կդառնա Հայաստանի անցումային կառավարության վարչապետի թեկնածուն», - հայտնել է գործակալության աղբյուրը:
Արցախում պատերազմի սկզբից մեկ ամիս անց Մանուկյանը Կառավարությանը կոչ էր արել հրաժարական տալ և իշխանությունը փոխանցել ռազմական ղեկավարությանը: