Զբոսաշրջության ոլորտը վերադարձել է 1990-ների մակարդակին։ Այդ մասին հայտարարել է ՄԱԿ Զբոսաշրջության համաշխարհային կազմակերպությունը (UNWTO)։
2020-ի առաջին 10 ամսում ոլորտի կորուստները կազմել են $935 մլրդ, գրում է ՏԱՍՍ-ը։
«Հունվար-հոկտեմբեր ամիսներին զբոսաշրջային ուղղություններում օտարերկրյա զբոսաշրջիկների քանակը պակասել է 900 միլիոնով՝ 2019-ի նույն ժամանակահատվածի համեմատ»,- նշել են կազմակերպությունում:
Նշվում է նաև, որ ըստ կանխատեսումների՝ միջազգային զբոսաշրջիկների քանակը տարեվերջի տվյալներով կնվազի 70-75 տոկոսով։
2019-ին արտերկիր մեկնող զբոսաշրջիկների քանակը հասնում էր 1․5 մլրդի։