ԱԻՊԾ․ Որոնումները շարունակվում են Հադրութի, Ֆիզուլիի և Մատաղիս-Թալիշ ուղղություններով
Արցախում որոնողական աշխատանքները հունվարի 7-ին շարունակվում են Հադրութի, Ֆիզուլիի և Մատաղիս-Թալիշ ուղղություններով, հայտնել է Արտակարգ իրավիճակների պետական ծառայության հասարակայնության հետ կապերի բաժնի սպա Հունան Թադևոսյանը, Armenpress-ը։
Նա նշել է, որ հունվարի 6-ին որոնողական աշխատանքների արդյունքում որևէ աճյուն չի հայտնաբերվել:
«Աշխատանքները շարունակվում են և շարունակվելու են այնքան ժամանակ, մինչև համոզվենք, որ տարածքը մաքուր է»,- նշել է Թադևոսյանը:
Արցախում ռազմական գործողությունների դադարից հետո որոնողական աշխատանքների արդյունքում հայտնաբերվել է 1188 աճյուն:
