ԱՄՆ Ռոդ Այլենդ նահանգի Ներկայացուցիչների պալատի դեմոկրատները հայազգի գործիչ Քեթրին Ղազարյանին ընտրել են որպես պալատում մեծամասնություն կազմող Դեմոկրատական կուսակցության ներկայացուցիչ, փոխանցում է Horizon Weekly-ն:
Նշվում է, որ Ղազարյանի առաջադրանքն է՝ օրենսդիր մարմնում ապահովել կուսակցական կանոնակարգի պահպանումը:
Ղազարյանը մեծացել է Ռոդ Այլենդի Իսթ Փրովիդենս քաղաքում, ավարտել է Կոլումբիայի համալսարանի տնտեսագիտություն և քաղաքային ուսումնասիրություններ բաժինը: Նա մի շարք օրինագծեր է հեղինակել, որոնք առնչվում են նահանգի բնակիչների առողջության ապահովագրությանը: Որպես 4-րդ սերնդի ամերիկահայ՝ նա իր գործունեության ընթացքում առաջնային է համարել Հայոց ցեղասպանության ճանաչումը։