Ճանապարհային ոստիկանության ճանապարհապարեկային ծառայողների կողմից արձանագրվող խախտումների համար վարորդների նկատմամբ տուգանային միավորներ չեն կիրառվի մինչև 2022-ի հուլիսի 1-ը, Ազգային ժողովում հայտարարել է Հայաստանի փոխոստիկանապետ Արա Ֆիդանյանը։
Նա ներկայացրել է Վարչական իրավախախտումների վերաբերյալ օրենսգրքում երկրորդ ընթերցումից առաջ օրենքում փոփոխությունների նախագիծը։
«Մինչև 2022-ի հուլիսի 1-ը տուգանային միավորը որպես վարչական տույժ կիրառվելու է միայն տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին օրենքով քննության ենթակա գործերով»,-հայտարարել է Ֆիդանյանը։
2019-ի վերջին հայտարարվել էր Հայաստանում վարորդների համար բալային համակարգ ներդնելու ու մեկնարկային 9 միավոր տալու մասին։
Ընթերցեք նաև․ Բալային համակարգ. Ոչ սթափ վիճակում ղեկին նստելու կամ 51-80 կմ/ժ-ով արագությունը գերազանցելու համար 4 միավոր կհանվի
