Գորիս-Կապան ավտոճանապարհին 44-օրյա պատերազմի ավարտից հետո որևէ միջադեպ չի գրանցվել, ճանապարահատվածում վերահսկողություն են իրականացնում ռուս սահմաանպահները, Ազգային անվտանգության ծառայության սահմանապահ զորքերը, թիկունքում՝ հայ զինծառայողներն են։
Զինուժ մեդիան ռեպորտաժ է պատրաստել ավտոճանապարհի գործունեության մասին՝ նկարահանելով երթևեկության ընթացն ու ճանապարահատվածում ծառայություն իրականացնող ուժերի գործունեությունը։
ԱԱԾ սահմանապահները ստուգում են երթևեկողների փաստաթղթերը, կատարում նույնականացում ու լրացուցիչ ցուցումներ տալիս նրանց։
44-օրյա պատերազմից հետո Արցախի տարածքային կորուստներից ու զիջումներից զատ՝ Սյունիքի մարզի որոշ հատվածներում, ըստ ԽՍՀՄ քարտեզի, տներ ու հողատարածքներ են անցել ադրբեջանական կողմին։ Գորիս -Կապան ավտոճանապարհի մի հատվածն այժմ անցնում է ադրբեջանական տարածքով։