«Իմ քայլը» խմբակցությունում շրջանառվում է Սահմանադրության փոփոխությունների մի նախագիծ, որի ընդունման պարագայում հնարավոր կլինի արտահերթ ընտրությունների տեսական անցկացումը վարչապետ Նիկոլ Փաշինյանի հրաժարականից խուսափելով։
Ինչպես գրում է «Հայկական ժամանակը», փոփոխության բնույթը Սահմանադրության 92-րդ հոդվածում այնպիսի լրացում կատարելն է, որի համաձայն՝ ԱԺ արտահերթ ընտրություն անցկացվում է նաև խորհրդարանի առնվազն ⅗-ով ընդունված ԱԺ-ն արձակելու որոշում ընդունելու դեպքում:
Ներկայումս արտահերթ ընտրությունների համար վարչապետը պետք է հրաժարական տա, իսկ դրան հետևած 2 նիստում նոր վարչապետ չընտրվի, սակայն ընդդիմությունը հրաժարվում է չառաջադրել թեկնածու, ինչը տեսականորեն չի բացառում նոր վարչապետի ընտրություն, եթե իշխող խմբակցությունից ընդդիմության օգտին քվեարկողներ լինեն։ Փոփոխության բնույթն այն է, որ Փաշինյանը կշարունակի պաշտոնավարել մինչև նոր վարչապետի ընտրությունը։
2020-ի վերջին Փաշինյանը հայտարարել էր 2021-ին արտահերթ ընտրություններ անցկացնելու ծրագրերի մասին։