Երևանի երկնքում ռազմական ինքնաթիռներ կան, քանի որ ընթանում են ուսումնական-պլանային թռիչքներն, դրանք պարբերական բնույթ ունեն ու կապված չեն փետրվարի 25-ի քաղաքական իրադարձությունների հետ, PanARMENIAN.Net-ին ասացին Պաշտպանության նախարարությունից:
Ավելի վաղ Երևանի երկնքում ռազմական ինքնաթիռներ են նկատվել, ՊՆ-ից ճշտում էինք՝ արդյոք որևէ կապ կա ռազմական ինքնաթիռների՝ մայրաքաղաքով թռչելու և քաղաքական իրադարձությունների հետ:
44-օրյա պատերազմից հետ Հայաստանում ընդդիմությունը և փետրվարի 25-ին նաև Զինված ուժերի Գլխավոր շտաբը պահանջում են վարչապետի հրաժարականը: Փաշինյանն իր աջակիցներին հրավիրել է Հանրապետության հրապարակ, ԳՇ գործողությունը որակել՝ ռազմական հեղաշրջման փորձ: Մայրաքաղաքում գրեթե զուգահեռաբար և կողք կողքի հավաքվում են վարչապետ Նիկոլ Փաշինյանի ու Հայրենիքի փրկության շարժման կողմնակիցները: