ՀՀ առաջին նախագահ Լևոն Տեր - Պետրոսյանը և ՀՀ վարչապետ Նիկոլ Փաշինյանն չեն հանդիպել։ Այս մասին ֆեյսբուքյան իր էջում տեղեկացրել է Տեր-Պետրոսյանի մամուլի խոսնակ Արման Մուսինյանը։
«Newsmedia կայքը հրապարակել է տեղեկություն, թե իբր փետրվարի 26-ին Նիկոլ Փաշինյանն այցելել է Լևոն Տեր-Պետրոսյանի առանձնատուն և երկարատև զրույց ունեցել առաջին նախագահի հետ:
Հայտնում եմ, որ նշված հրապարակումը բացարձակ սուտ է և հետապնդում է զուտ սադրիչ նպատակ»,- ասվում է գրառման մեջ։
Սոցցանցերում, ինչպես նաև որոշ լրատվամիջոցներում, լուրեր էին տարածվել, որ Նիկոլ Փաշինյանն ու Լևոն Տեր-Պետրոսյանը հանդիպել են և երկար զրույց ունեցել։