Հանրային հեռարձակողի խորհրդի անդամների թափուր տեղի համալրման մրցույթում հաղթող են ճանաչվել Վահրամ Մարտիրոսյանը և Վահագն Թևոսյանը։
ժամանակավոր հանձնաժողովի նիստին մասնակցել է հանձնաժողովի 5 անդամ՝ Արամ Սուքիասյանը, Նունե Հախվերդյանը, Աղասի Թադևոսյանը, Վահե Գևորկյանցը և Սամվել Մարտիրոսյանը:
Նիստի ընթացքում հանձնաժողովի անդամներն ամփոփել են հանրային հեռարձակողի խորհրդի անդամների 2 (երկու) թափուր տեղի համալրման մրցույթի համար ներկայացրած հայտերի ուսումնասիրման գործընթացը և քվեարկությամբ որոշել հաղթողներին, տեղեկացնում է Հանրային հեռարձակողի խորհրդի անդամի թափուր տեղի համալրման ժամանակավոր մրցութային հանձնաժողովը։
Թափուր տեղերին հավակնում էին նաև Վազգեն Ավետյանը և Գագիկ Գինոսյանը:
«Տեսալսողական մեդիայի մասին» օրենքով սահմանված կարգով որոշումը կներկայացվի ՀՀ վարչապետի հաստատմանը:
