ՄԱԿ-ում անհիմն են համարում Հայաստանում ՅՈւՆԻՍԵՖ–ի ներկայացուցիչ Մարին Քլարկ-Հաթինգի հասցեին երկրում հնչած մեղադրանքները` համարելով դրանք անհիմն, գրում է Sputnik Արմենիան։
ՀՀ ԱԳՆ-ն հայտարարել է, որ ՅՈւՆԻՍԵՖ-ի հայաստանյան գրասենյակի ղեկավարը հապճեպ լքել է Հայաստանը, քանի որ հայկական կողմի համար խնդրահարույց են եղել նրա՝ մանդատի իրականացման գործում թերացումները և ոչ համագործակցային աշխատելաոճը։ Ավելի վաղ համացանցում լուրեր էին շրջանառվում, որ Քլարկ-Հաթինգի հեռացման իրական պատճառը կապված է Ադրբեջանի և Մեծ Բրիտանիայի օգտին լրտեսություն անելու հետ։
«Մեղադրանքները նրա հասցեին անհիմն են և մենք ակտիվորեն կպաշտպանենք նրան»,- հայտարարել է ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը։
Նա ասել է նաև, որ ՅՈւՆԻՍԵՖ-ն ու ՀՀ կառավարությունը պայմանավորվել են, որ մարտ մասին Հայաստանում ՅՈւՆԻՍԵՖ-ի ներկայացուցիչը կավարտի իր առաքելությունը ՀՀ-ում։ Նա մեկ այլ երկիր կգործուղվի։
Դյուժարիկը Քլարկ-Հաթինգին ներկայացրել է որպես բարձր որակավորում ունեցող պրոֆեսիոնալ։
Գլխավոր դատախազությունը ստուգում է Քլարկ-Հաթինգի վերաբերյալ տեղեկությունները, թե նա Ադրբեջանի և Մեծ Բրիտանիայի համար լրտեսություն է արել: