ՀՀ վարչապետ Նիկոլ Փաշինյանի՝ ապրիլին հրաժարական տալու որոշումը ՌԴ նախագահ Վլադիմիր Պուտինի հետ անհապաղ զրույց չի պահանջում։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նա հավելել է, որ շփումները մշտական բնույթ են կրում։
«Նա մնալու է պաշտոնակատար, ուստի այդ որոշումը, որը բարձրաձայնվել է, անհապաղ խոսակցություն չի պահանջում»,- ասել է Պեսկովը, գրում է ՏԱՍՍ-ը։
Նա նշել է նաև, որ երկու երկրի ղեկավարները «վերջերս են հեռախոսազրույց ունեցել, շփումները մշտական բնույթ են կրում»։
Մարտի 28-ին Արմավիրի մարզ այցելության ժամանակ Փաշինյանը հայտարարել է, որ ապրիլին հրաժարական է տալու, սակայն այդ ընթացքում շարունակելու է կատարել վարչապետի պարտականությունները մինչև խորհրդարանական արտահերթ ընտրությունները։
ԱԺ արտահերթը նախատեսված է հունիսի 20-ին