ՀՀ վարչապետ Նիկոլ Փաշինյանը կմեկնի Մոսկվա՝ ապրիլի 7-ին հանդիպում է նախատեսված ՌԴ նախագահ Վլադիմիր Պուտինի հետ։ Այդ մասին ֆեյսբուքայն իր էջում տեղեկացրել է վարչապետի խոսնակ Մանե Գևորգյանը։
Նշվում է նաև, որ Պուտինի հետ հանդիպումով պայմանավորված՝ Փաշինյանը ապրիլի 2-ից աշխատում է ինքնամեկուսացման պայմաններում։
«Բացի անձնական ընդունելություններից և հանրային միջոցառումներից, վարչապետը աշխատում է պլանային օրակարգով»,-ասվում է գրառման մեջ։
Այվազյանի և Լավրովի հանդիպման ժամանակ, ի թիվս այլ հարցերի, քննարկվել է նաև բարձր մակարդակով շփումների առաջիկա ժամանակացույցը:
Փաշինյանի վերջին հանդիպումը Պուտինի հետ տեղի է ունեցել 2021թ․ հունվարի 11-ին, որին հաջորդել է եռակողմ հանդիպումն Ադրբեջանի նախագահ Իլհամ Ալիևի մասնակցությամբ։ Պուտինի հետ հանդիպմանը քննարկվել են նոյեմբերի 10-ի եռակողմ հայտարարության կետերի լիարժեք իրականացմանը վերաբերող հարցեր:
