Կոմանդոսը մեր պատմության հսկաներից է այլևս։ Այդ մասին ֆեյսբուքյան իր էջում գրել է ՀՀ փոխվարչապետ Տիգրան Ավինյանը:
«Կոմանդոսը հայ ռազմական արվեստի խոշոր գործիչներից էր, որը ոչ միայն պատկերացնում էր ռազմական գիտելիքի տեսական կողմը, այլև գործնականում ապացուցել էր դրա կիրառելիությունը` Շուշիի ազատագրման օպերացիայի իրականացմամբ։
«Հավերժի ճամփան բռնելով` Կոմանդոսը մեր պատմության հսկաներից է այլևս, որն իր գործով և կերպարով հմուտ ռազմական գործչի օրինակ է։ Մարդ, որի ժամանակակիցը լինելու բախտ է վիճակվել բոլորիս, և որից, որպես օրինակելի գործչի, պիտի սովորեն հաջորդ սերունդները», - գրել է Ավինյանը։
Արցախի հերոս, «Ոսկե արծիվ» շքանշանի ասպետ, լեգենդար զորահրամանատար, գեներալ-մայոր Արկադի Տեր-Թադևոսյանը (Կոմանդոս) մահացել է մարտի 31-ին։ Ապրիլի 3-ին նրան հուղարկավորել են Դավթաշենի ընտանեկան գերեզմանոցում՝ այդպիսին էր նրա դեռևս կենդանության օրոք հայտնած ցանկությունը։
