Երևանի ընդհանուր իրավասության դատարանը, դատավոր Դավիթ Բալայանի նախագահությամբ, ոչ իրավաչափ է ճանաչել Գորիսի փոխքաղաքապետ Մենուա Հովսեփյանի ձեռբակալությունը, տեղեկացնում է Factor.am-ը։

Հովսեփյանը ձերբակալվել էր ապրիլի 22-ին՝ ՀՀ քրեական օրենսգրքի 38-258-րդ հոդվածի 1-ին մասով՝ խուլիգանություն կազմակերպելու կասկածանքով։

Հովսեփյանի պաշտպան Դավիթ Կարապետյանն ավելի վաղ հայտարարել էր, որ իր պաշտպանյալին նսեմացնելով են բերման ենթարկել։ Կարապետյանը հայտնել է, որ Հովսեփյանի դեմքին վնասվածքներ են եղել, հնչել են վիրավորական արտահայտություններ և այդ ամենը նկարահանվել է։

Սյունիքում Նիկոլ Փաշինյանի դեմ իրականացված բողոքի ակցիաների առթիվ հարուցված քրեական գործի շրջանակներում ձերբակալվել էր 16 անձ, այդ թվում՝ Մեղրիի քաղաքապետ Մխիթար Զաքարյանը, փոխքաղաքապետ Արմեն Սամվելյանը, Գորիսի փոխքաղաքապետ Մենուա Հովսեփյանը։