Հայաստանի և Ադրբեջանի ազգային անվտանգությանծառայությունների ղեկավարների հանդիպումներ պարբերաբար լինում են գերիների հարցին լուծում տալու համար: Այդ մասին ասել է ԱԱԾ տնօրենի տեղակալ Ստեփան Մելքոնյանը, տեղեկացնում է Aysor.am-ը։

«Վերջին անգամ երևի մի ամիս առաջ են հանդիպել։ Բայց դա չի նշանակում, որ կապ չկա. անմիջական հանդիպումներից բացի նաև հեռախոսային կապ գոյություն ունի», - ասել է Մելքոնյանը։

Վարչապետի պաշտոնակատար Նիկոլ Փաշինյանը, կարևորելով միջազգային ակտիվությունը հայ գերիների վերադարձի հարցում, կառավարության նիստում հայտարարել է, որ դա լավատեսություն է ներշնչում, որ այս հարցում կլինեն կոնկրետ արդյունքներ։