Իսրայելը հունիսից կչեղարկի իր բնակիչների համար Covid-19-ի հետ կապված բոլոր սահմանափակումները։ Այդ մասին հայտնել է այդ երկրի առողջապահության նախարարությունը։

«Պանդեմիայի մեկնարկից ի վեր առաջին անգամ հունիսի 1-ից Իսրայելի տարածքում կչեղարկվեն բոլոր սահմանափակումները»,- ասել են գերատեսչությունում, գրում է Deustche Welle-ն։

Միևնույն ժամանակ, արտերկրից ժամանող զբոսաշրջիկների համար սահմանափակումները կպահպանվեն։

Իսրայելում բնակչության 55 տոկոսը՝ ավելի քան 5 մլն մարդ, արդեն երկու անգամ պատվաստվել է կորոնավիրուսի դեմ։ Ռեստորաններ, բարեր և մարզասրահներ մուտքը հասանելի է միայն ամբողջական պատվաստում ստացածների կամ «կանաչ անձնագրով» ապաքինվածների համար։ Հունիսից չպատվաստված անձինք ևս մուտք կունենան այդ հաստատություններ։