Մոսկվայում ՀՀ պաշտպանության նախարարի պաշտոնակատար Վաղարշակ Հարությունյանի և ՌԴ պաշտպանության նախարար Սերգեյ Շոյգուի աշխատանքային հանդիպման ժամանակ քննարկվել են «բոլոր սուր խնդիրները», գրում է ՌԻԱ Նովոստին։

ՌԴ նախարարն առաջարկել է քննարկել տարածաշրջանային անվտանգության հարցերը. «Մենք կքննարկենք տարածաշրջանային անվտանգության հարցերը կապված Լեռնային Ղարաբաղում խաղաղապահ ուժերի աշխատանքի հետ, ինչպես նաև, անկասկած, այս պահին առկա բոլոր սուր խնդիրները»,-ասել է Շոյգուն։

Հարությունյանը նշել է, որ քննարկելու են համագործակցության բոլոր ուղղությունները, որոնք իմ կարծիքով հաջող են զարգանում։

Մայիսի 27-ի վաղ առավոտյան ադրբեջանցիները ՀՀ ԶՈւ 6 զինծառայողի են գերեվարել։ Նրանք գերեվարվել են Գեղարքունիքի մարզի սահմանային հատվածում, ՀՀ ԶՈւ N զորամասի պահպանության տարածքում ինժեներական աշխատանքներ կատարելիս։ Նրանք բոլորը պայմանագրային զինծառայողներ են։