Վանեցյան. Բարձր պաշտոնի հավակնողներն այսուհետ պարտադիր պետք է բուժստուգում անցնեն
«Պատիվ ունեմ» դաշինքի առաջնորդ, «Հայրենիք» կուսակցության նախագահ Արթուր Վանեցյանը ֆեյսբուքյան իր էջում գրել է, որ բարձր պաշտոնի հավակնողներն այսուհետ պարտադիր պետք է բժշկական ստուգում անցնեն։
«Հաղթանակից հետո մեր դաշինքն անպայման նախաձեռնելու է օրենսդրական փոփոխություններ` ամրագրելով, որ պետական բարձր պաշտոնի հավակնող անձինք այսուհետ պարտադիր պետք է բժշկական ստուգում անցնեն ալկոհոլիզմի, թմրամոլության և հոգեկան շեղումների տեսանկյունից»,-ասվում է գրառման մեջ։
«Հայրենիք» կուսակցությունը ՀՀԿ հետ մաս է կազմում «Պատիվ ունեմ» դաշինքին։
Խորհրդարանական արտահերթ ընտրությունները ՀՀ-ում նախատեսված են հունիսի 20-ին։
