Ադրբեջանի գլխավոր դատախազությունը Ռուսաստանի հայերի միության ղեկավար Արա Աբրահամյանի, «Տաշիր» ընկերությունների խմբի ղեկավար Սամվել Կարապետյանի, ինչպես նաև Royalsys Engineering ընկերության ղեկավար Դավիթ Գալուստյանի միջազգային հետախուզում է հայտարարել։

Նրանց մեղադրում են «ռազմական գործողությունների ժամանակ Լեռնային Ղարաբաղ զենքի, զինամթերքի և ռազմական նշանակության սարքավորումների մաքսանենգ մատակարարում կազմակերպելու մեջ»։ Այդ մասին ասվում է դատախազության հայտարարության մեջ, տեղեկացնում է ՏԱՍՍ-ը։

Նրանց մեղադրում են նաև Ադրբեջանի ՔՕ 100.1 («Ագրեսիկվ պատերազմի պլանավորում, նախապատրաստում կամ սանձազերծում») հոդվածով և 279.1 («Ապօրինի զինված խմբերի ստեղծում, մասնակցություն դրանց ստեղծմանն ու ապահովմանը) հոդվածներով։

«Նրանց հանդեպ որպես խափանման միջոց է ընտրվել կալանքը։ Աբրահամյանի, Կարապետյանի և Գալուստյանի միջազգային հետախուզում է հայտարարվել»,-ասվում է Ադրբեջանի դատախազության հայտարարության մեջ։