Երևանի Շենգավիթ վարչական շրջանի Շահամիրյանների փողոցն այսուհետ կկրի հայտնի հայտնի գործարար, «Գրանդ Հոլդինգի» հիմնադիր և ղեկավար, բարեգործ Հրանտ Վարդանյանի անունը։ Այդպիսի որոշում է կայացվել Երևանի ավագանու նիստում։
«Վարդանյան ընտանիք» բարեգործական հիմնադրամը պարտավորվել է իրականացնել փողոցի բարեկարգման աշխատանքները, որոնք մեկնարկել են 2020-ից:
Շահամիրյանների փողոցը Վարդանյանի անունով անվանափոխելու առաջարկը պայմանավորված է նաև այն հանգամանքով, որ փողոցի վրա տեղակայված 14 շենք-շինությունից 12-ը պատկանում են Վարդանյանի հիմնադրած, այդտեղ հասցեավորված և գործունեություն ծավալող մի շարք ընկերությունների: Այդ փողոցում է գտնվում նաև «Վարդանյան ընտանիք» բարեգործական հիմնադրամը:
Փողոցն անվանափոխելու նամակով Երևանի քաղաքապետին էին դիմել ՀՀ էկոնոմիկայի նախարարը, «Գրանդ Հոլդինգ» ընկերությունը և Հայաստանի գործատուների հանրապետական միությունը:
