ԵԱՀԿ գործող նախագահ, Շվեդիայի արտաքին գործերի նախարար Անն Լինդեն շնորհավորել է Նիկոլ Փաշինյանին ՀՀ-ում անցկացված արտահերթ ընտրություններում իր գլխավորած «Քաղաքացիական պայմանագիր» կուսակցության հաղթանակի կապակցությամբ։ Այդ մասին նա գրառում է կատարել Twitter-ի իր միկրոբլոգում։
«Շնորհավորում եմ ՀՀ վարչապետի պաշտոնակատար Նիկոլ Փաշինյանին խորհրդրանական ընտրություններում հաղթնակի կապակցությամբ։
Կարևոր է, որ ընտրություններին հետևել են ԵԱՀԿ/ԺՀՄԻԳ-ը և ԵԱՀԿ ԽՎ-ն: Հուսով եմ, որ կհամագործակցենք Հայաստանի կառավարության հետ։ Հաջողություն եմ մաղթում ժողովրդավարական բարեփոխումները շարունակելու գործում: Պատրաստ ենք աջակցել»,-գրել է նա:
Հունիսի 20-ի արտահերթ խորհրդարանական ընտրություններում «Քաղաքացիական պայմանագիր» կուսակցությունը, բոլոր տեղամասերի ձայների հաշվարկով, ստացել է քվեների 53.92%-ը, ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքը՝ 21.04%-ը, «Պատիվ ունեմ» դաշինքը՝ 5.23%։