ՍԴ է դիմել ևս 2 կուսակցություն՝ «Զարթոնքը» և «Հայոց հայրենիքը»
Արտահերթ խորհրդարանական ընտրությունների արդյունքներն անվավեր ճանաչելու պահանջով ՍԴ է դիմել ևս 2 կուսակցություն՝ «Զարթոնք» ազգային-քրիստոնեական կուսակցությունը և «Հայոց հայրենիք» կուսակցությունը։ Այդ մասին ֆեյսբուքյան իր էջում տեղեկացրել է Սահմանադրական դատարանի մամուլի քարտուղար Եվա Թովմասյանը։
Հուլիսի 2-ին ՍԴ-ն գրանցել է նաև ԱԺ արտահերթ ընտրություններին մասնակցած «Հայաստան» դաշինքի դիմումը։
Ակնկալվում է, որ ՍԴ դիմում կներկայացվի նաև «Պատիվ ունեմ» դաշինքի կողմից։
