Երևանը հայտնվել է «Ուկրաինայի միջազգային ավիաուղիների» (МАУ) ամենապահանջված ուղղությունների 5-յակում։
«Ուկրաինայի միջազգային ավիաուղիներ» ավիաընկերությունն ավելացնում է չվերթերի քանակն առավել մեծ պահանջարկ ունեցող միջազգային ուղղություններով, այդ թվում` դեպի Երևան, գրում է Analitikaua.net-ը։
Կիև-Երևան չվերթն իրականցվում է ամեն օր։ Լրացուցիչ թռիչքներ կիրականացվեն հուլիսի 26-ից՝ երկուշաբթի օրերը, և հուլիսի 29-ից՝ հինգշաբթի։
Ընկերությունում նշել են, որ պահանջարկի աճը պայմանավորված է սահմանների հատման պայմանների մեղմացմամբ և զբոսաշրջային ավիափոխադրումների ակտիվությամբ։
Ավիաընկերությունը կավելացնի թռիչքները նաև պահանջված այլ ուղղություններով՝ Աթենք, Լառնակա, Կահիրե, Բաքու։
Ըստ վիճակագրության, զբոսաշրջային հոսքն Ուկրաինայից ՀՀ 4-րդն է իր ինտենսիվությամբ։ Դեպի ՀՀ թռիչքներ են իրականցնում «Ուկրաինայի միջազգային ավիաուղիները», SkyUp-ը և Bees-ը։