Հայաստանի շախմատի տղամարդկանց հավաքականի անդամ, գրոսմայստեր Հայկ Մարտիրոսյանը Սոչիում ընթացքող շախմատի աշխարհի գավաթի 1/16-րդ եզրափակչի առաջին տուրում հաղթել է խորվաթ Անտե Բրկիչին։
Հայ շախմատիստը խաղում էր սպիտակ խաղաքարերով։
Մրցամարտի երկրորդ պարտիան տեղի կունենա հուլիսի 23-ին, Մարտիրոսյանը կխաղա սև խաղաքարերով:
Մինչ այդ Մարտիրոսյանը հաղթել էր աշխարհի 6-րդ շախմատիստ ադրբեջանցի Շախրիյար Մամեդյարովին՝ դուրս թողնելով նրան աշխարհի գավաթի խաղարկությունից։
Աշխարհի չեմպիոն Մագնուս Կարլսենից բացի, մրցաշարի երկու լավագույն խաղացողները կմասնակցեն 2022թ․ հավակնորդների մրցաշարին, ինչպես նաև կարժանանան դրամական պարգևի՝ 110,000 դոլար և 80,000 դոլար, երկրորդ տեղը զբաղեցնողի համար։
Հայկ Մարտիրոսյանը ժամանակին նվաճել է մինչև 16 տարեկանների շրջանում աշխարհի չեմպիոնի տիտղոսը։ Նրա վարկանիշը 2632 է, նա ՀՀ հավաքականի 7-րդ համարն է։