ՊԲ զինծառայողների մասնակցությամբ զոհված զինծառայողների աճյունների որոնողական աշխատանքներն օգոստոսի 2-ին շարունակվել են Վարանդայի (Ֆիզուլի) շրջանում, տեղեկացնում է Արցախի ՊՆ մամուլի ծառայությունը։
Որոնողական աշխատանքների արդյունքում հայտնաբերվել և տարհանվել է ևս 4 զինծառայողի աճյուն։
Նրանց ինքնությունը կհաստատվի դատաբժշկական փորձաքննությունից հետո։
Զինադադարից հետո մինչ օրս Արցախի գրավյալ տարածքներից տարհանվել է 1623 աճյուն: