6 երկրի, այդ թվում Հայաստանի զինվորականները կմասնակցեն ՀԱՊԿ խաղաղապահ ուժերի «Անխախտ եղբայրություն-2021» զորավարժություններին, որոնք առաջին անգամ անցկացվելու են Կազանում։
Նոյեմբերին կայանալիք զորավարժություններին մասնակցելու է մոտ 800 զինվորական, տեղեկացնում է ՌԴ պաշտպանության նախարարությունը։
Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի ռազմական պատվիրակություններն արդեն ուսումնասիրել են գործողությունների վայրը, որոշել զորավարժություններին մասնակցող ուժերի կազմն ու միջոցները։
Զորավարժություններին մասնակից երկրները կգործարկեն 90 միավոր ռազմատեխնիկա, այդ թվում Մի-24 և Մի-8 ուղղաթիռներ, Սու-24ՄՌ և Սու-34 ինքնաթիռներ։
Զորավարժությունները կանցակվեն 2 փուլով։