Վարչապետ Նիկոլ Փաշինյանը, անդրադառնալով տարածաշրջանային խաղաղության թեմային, կառավարության նիստում ասել է, որ Թուրքիայի կողմից որոշակի հրապարակային դրական ազդակներ կան։
«Մենք այդ ազդակները կգնահատենք և դրական ազդակներին դրական ազդակներով կպատասխանենք», - ասել է նա։
Փաշինյանն ասել է նաև, որ Ազգային ժողովում կառավարության ծրագիրը ներկայացնելիս իր հիմնական ասելիքը տարածաշրջանի և Հայաստանի համար խաղաղ զարգացման դարաշրջան բացելու օրակարգն էր, որից հետո արդեն ադրբեջանցիները փակեցին Սյունիքի հարավային հատվածներ տանող հիմնական ճանապարհը։
Նա ասել է, որ դա հակասում է 2020-ի դեկտեմբերին ձեռք բերված պայմանավորվածություններին, և հույս է հայտնել, որ իրավիճակը արագ կկարգավորվի։
Փաշինյանը պարբերաբար կրկնում է, որ ՀՀ քաղաքացիներից ստացել է խաղաղության դարաշրջան բացելու մանդատ։
