ԱՄՆ-ում ՀՀ դեսպան Լիլիթ Մակունցը Կոնգրեսի հայկական հարցերի հանձնախմբի համանախագահ կոնգրեսական Ջեքի Սփիրի հետ հեռավար հանդիպմանը ներկայացրել է Արցախի շուրջ ստեղծված իրավիճակը։
Մակունցն ընդգծել է 44-օրյա պատերազմին հաջորդած առաջնահերթ հումանիտար խնդիրների լուծման հրատապությունը: Այդ կապակցությամբ դեսպանն ընդգծել է Ադրբեջանում պահվող հայ ռազմագերիների և քաղաքացիական պատանդների անվերապահ հայրենադարձման անհրաժեշտությունը, տեղեկացնում է ԱՄՆ-ում ՀՀ դեսպանությունը։
Զրուցակիցները կարևորել են ԵԱՀԿ Մինսկի խմբի համանախագահության հովանու ներքո ղարաբաղյան հակամարտության խաղաղ կարգավորման գործընթացի վերսկսման անհրաժեշտությունը:
Լիլիթ Մակունցը ԱՄՆ-ում ՀՀ դեսպան նշանակվել է օգոստոսի 2-ին։ Նա նշանակվել է 4 տարի ժամկետով: