Բոլոր բուժաշխատողների համար «Ոսկե ծիրան» կինոփառատոնի մրցութային ծրագրերի բոլոր ֆիլմերի մուտքն ազատ է։ Այդ մասին ֆեյսբուքյան իր էջում տեղեկացրել է առողջապահության փոխնախարար Գևորգ Սիմոնյանը։
Երևանի «Ոսկե ծիրան» 18-րդ միջազգային կինոփառատոնը կկայանա հոկտեմբերի 3-10-ը:
«Շնորհակալ ենք բուժաշխատողներին՝ կյանքի ու մահվան պայքար մղելու և բազում կյանքեր փրկելու համար»,-ասվում է գրառման մեջ։
«Ոսկե ծիրան» կինոփառատոնը կանցկացվի արդեն 18-րդ անգամ։ Ավանդաբար կինոփառատոնն ացնում էր հուլիսին, սակայն, այս տարի այն մեկնարկում է հոկտեմբերին։ «Ոսկե ծիրան» 17-րդ միջազգային կինոփառատոնը կայացել էր նոյեմբերին՝ պայմանավորված համավարակային իրավիճակով:
Կինոփառատոնի լիամետրաժ ֆիլմերի մրցույթի ժյուրիի նախագահն է հունգարացի թատրոնի և կինոյի ռեժիսոր, Կաննի, Լոկարնոյի և տասնյակ այլ հեղինակավոր կինոփառատոների դափնեկիր Կոռնել Մունդրուցոն:
