Բաքվում ԱՄՆ դեսպան․ Պատրաստ ենք աջակցել ՀՀ և Ադրբեջանի միջև խնդիրների լուծմանը
Ադրբեջանում ԱՄՆ դեսպան Լի Լիտցենբերգերը հայտարարել է, որ ԱՄՆ-ն պատրաստ է աջակցել ՀՀ և Ադրբեջանի միջև խնդիրների լուծմանը։
«Բոլորն են հասկանում, որ երկրների միջև դեռ կան բազմաթիվ չլուծված խնդիրներ: Դա երկար գործընթաց է լինելու և հանդիպումներ ու համատեղ աշխատանք կպահանջի՝ այդ խնդիրները կարգավորելու համար», - ասել է դեսպանը, գրում է Interfax.az-ը:
Նրա խոսքով, Վաշինգտոնը «փնտրում է ցանկացած հնարավորություն»՝ օգնելու Ադրբեջանի և Հայաստանի միջև առկա խնդիրների լուծմանը։
Որպես օրինակ Լիտցենբերգերը նշել է Նյու Յորքում, ՄԱԿ ԳՎ նստաշրջանի շրջանակում ԱՄՆ պետքարտուղարի տեղակալ Վիկտորյա Նուլանդի առանձին հանդիպումներն Ադրբեջանի և ՀՀ ԱԳ նախարարների հետ։
