«Հայաստան» խմբակցության պատգամավոր կդառնա Արցախի ազգային հերոս Թաթուլ Կրպեյանի դուստրը՝ Ասպրամ Կրպեյանը: Այդ մասին ասել է ԱԺ «Հայաստան» խմբակցության անդամ Գեղամ Մանուկյանը, հայտնում է «Այսօրը»։
«Քանի որ Առուշ Առուշանյանը հրաժարվեց պատգամավորական մանդատից, ԿԸՀ-ն կգրանցի հաջորդ թեկնածուին, ցուցակում հաջորդը Ասպրամ Կրպեյանն է», - ասել է Մանուկյանը։
«Հայաստան» խմբակցության անդամ Դավիթ Սեդրակյանը հրաժարվել էր պատգամավորական մանդատից։ Դաշինքի ցուցակում նրան հաջորդում էր Գորիսի քաղաքապետ Առուշ Առուշանյանը, որը ևս հրաժարվել է մանդատից։