ՀՀ-ն մասնակցում է ՀԱՊԿ Հավաքական խաղաղապահ ուժերի «Անխախտ եղբայրություն-2021» զորավարժությանը, որը մեկնարկել է Կազանում։

Հայաստանից բացի գործնական փուլին մասնակցում են Ռուսաստանի, Տաջիկստանի, Ղազախստանի, Բելառուսի, Ղրղզստանի զինվորական ստորաբաժանումները, գրում է ՏԱՍՍ-ը:

Զորավարժությունները կտևեն մինչև նոյեմբերի 12-ը։ Ընդհանուր առմամբ, վարժանքներին մասնակցելու է ավելի քան 1700 մարդ, ավելի քան 300 միավոր սպառազինում, այդ թվում՝ ութ Մի-8 և Մի-24 ուղղաթիռ:

Զորավարժությունն անցնելու է 2 փուլով: ՀԱՊԿ Հավաքական խաղաղապահ ուժերը կմշակեն խաղաղապահ գործողությունների պլանավորման և անցկացմանն առնչվող հարցեր, փախստականների ճամբարի կազմակերպմանն ու պաշտպանությանն ուղղված համատեղ գործողություններ: Վարժանքները, ըստ սցենարի, կավարտվեն ապօրինի զորամիավորումների կողմից գրավված բնակավայրի շրջափակման մարտավարական դրվագով, որի ընթացքում այդ զորամիավորումները «կոչնչացվեն»։ :