Նոյեմբերի 25-ին Սալոնիկում ադրբեջանցիները կրկին քարոզչական սադրանք են հրահրել, այս անգամ` ավտոբուսային կանգառներից մեկում։ Այդ մասին տեղեկացրել է Հունաստանում ՀՀ դեսպանությունը՝ հավելելով, որ այն անհապաղ հեռացնելու նպատակով ձեռնարկվում են բոլոր քայլերը։
Օրերս Սալոնիկում ավտոբուսների վրա տեղադրվել էր Շուշիի պատկերով գովազդ՝ ադրբեջանական տարբերակով անվանակոչված «Շուշա» գրառմամբ։ Այն հարուցել է հայկական համայնքի զայրութը, և նրանք պահանջել են հեռացնել գովազդը,ինչն էլ արվել էր։
Դեսպանությունը նաև շնորհակալություն է հայտնել այն բոլոր կառույցներին և անհատներին, ովքեր նպաստել են Սալոնիկ քաղաքում ադրբեջանական սադրանքի չեզոքացմանը երկու օր առաջ։
«ՀՀ դեսպանությունը դատապարտում է Հունաստանում ադրբեջանական կազմակերպությունների էժանագին և անհեռանկարային քարոզչական սադրանքները»,- ասվում է դեսպանության հաղորդագրության մեջ։