Ռուսական խաղաղապահ զորախմբի ռազմական բժիշկները բուժօգնություն են ցուցաբերելու Լեռնային Ղարաբաղի Ասկերանի շրջանի Պատարա հեռավոր լեռնային գյուղի բնակիչներին, այդ թվում՝ երեխաներին, փախստականներին և հարկադիր տեղահանվածներին։
«Ռազմական բժիշկների արտագնա բրիգադը ամբուլատոր-պոլիկլինիկական օգնություն է ցուցաբերել տեղի բնակչությանը»,-ասել է ռուսական խաղաղապահ զորակազմի ներկայացուցիչ Եվգենի Իվանովը, տեղեկացնում է ՌԴ ՊՆ մամուլի ծառայությունը։
Բժշկական բրիգադի մասնագետները բուժօգնություն են ցուցաբերել Պատարայի ավելի քան 60 բնակչի։ Նրանք վիրաբույժի, քիթ-կոկորդ-ականջաբանի, ակնաբույժի և նյարդաբանի ընդունելություն և բուժխորհրդատվություն են իրականացրել:
Ռուսական խաղաղապահ զորախմբի հանրային ընդունարանը պարբերաբար աշխատանքներ է իրականացնում հարկադիր վերաբնակեցվածների և բազմազավակ ընտանիքների շարքերում կարիքավոր քաղաքացիների հայտնաբերման ուղղությամբ, որոնք հայտնվել են կենսական բարդ իրավիճակում, և հասցեական օգնության տրամադրման կարիք ունեն։
